“ЭН ЭЙ ПИ ГРУПП” ХХК-ийн нэрэмжит 2023 оны “Боловсролын тэтгэлэгт хөтөлбөр” зарлагдлаа

“ЭН ЭЙ ПИ ГРУПП” ХХК  нь  барилгын салбарын ирээдүйн чадварлаг инженерүүдийг бэлдэх, зах зээлд ховордож буй мэргэжлээр суралцагч залуусыг дэмжих зорилгоор ШУТИС-ийн Барилга Архитектурын Сургууль, Эрчим Хүчний Сургууль, Мэдээлэл холбооны технологийн сургуулийн бакалаврын түвшний оюутнуудын дунд “2023 оны боловсролын тэтгэлэгт хөтөлбөр”-өө зарлалаа.

Уг тэтгэлэгт хөтөлбөрт хамрагдсанаар дараах боломжууд нээгдэнэ.

• Сургалтын төлбөрийн бүрэн тэтгэлэгт хамрагдах;
• Төгсөх курстээ цалинтай оюутан хөтөлбөрт хамрагдаж дадлага хийх;
• Компанийн Менторшип хөтөлбөрт хамрагдаж, мэргэшсэн инженерүүдээс суралцах;

Тэтгэлэгт хөтөлбөрийн шаардлага:

ШУТИС-ийн Барилга Архитектурын Сургууль, Эрчим Хүчний Сургууль, Мэдээлэл холбооны технологийн сургуульд дараах мэргэжлийн бакалаврын зэргээр 2-5-р курсэд суралцдаг байх, үүнд:

• Цахилгаан системийн автоматжуулалтын инженер/цахилгаан хангамж;
• Халаалт, агаар сэлгэлт;
• Усан хангамж, ус цэвэрлэгээ;
• Сантехникийн инженерийн байгууламж;
• Холбоо дохиолол (3-4-р курсийн оюутан байх);
• Барилгын менежмент;

Тэтгэлэгт хөтөлбөрийн шалгуур:

• Сурлагын голч дүн 2.8-аас дээш байх;
• Тэтгэлэг хүссэн төрлөөр өөр  газраас тэтгэлэг хүсээгүй, хүртээгүй байх;
• Тухайн улиралд 15-аас доошгүй кредит хичээлийг сонгож судалсан байх;

Уг хөтөлбөрт өргөдлөө өгөхдөө дараах материалыг бүрдүүлээрэй.

• Тэтгэлэг хүсэгчийн анкетыг дараах холбоосоор (https://www.jotform.com/form/230712027153444 ) бөглөн ирүүлэх буюу шаардлагатай материалуудыг hr@nap-group.mn имэйл хаягаар ирүүлэх;
• 2 хувь цээж зураг /сүүлийн 3 сард авхуулсан 3х4 хэмжээтэй/;
• ЭЕШ-ын оноо /нотариатаар баталгаажуулсан байх/;
• Сургуулийн болон голч дүнгийн албан ёсны тодорхойлолт /нийт суралцсан хугацааны голчийг улирал түс бүрээр гарган, дэд захирлаар баталгаажуулсан байх/;
• Бусад өөрийнхөө давуу талыг илэрхийлэх нэмэлт батламж /эрдэм шинжилгээний хурал, олимпиад, урлаг спортын уралдаан тэмцээн, гадаад хэл, олон нийт, сайн дурын ажлын гэх мэт/;

Сонгон шалгаруулах процесс, зохион байгуулалт:

• Ажлын хэсэг байгуулж удирдамж, төлөвлөгөөний дагуу ажиллана;
• Бүрдүүлэх материалын сонголтоор сонгогдсон оюутнуудтай ярилцлага хийнэ;
• Мэргэжлийн дагуу даалгавар өгч, танилцуулга хийгдэнэ;
• Үнэлгээний нийлбэр дүн буюу үр дүнг үндэслэн Компанийн удирдлагын баг эцэслэн шийдвэрлэнэ;

Уг тэтгэлэгт хөтөлбөрт хамрагдах хүсэлтэй оюутан та тэтгэлэгт хамрагдах хүсэлтээ 2023 оны 5-р сарын 07-ны 17 цагаас өмнө ирүүлээрэй. Танд амжилт хүсье!