Албан тушаал : Захирал, ахлах архитектор
Мэргэжил: Хот төлөвлөлтийн архитектор, МУ-ын мэргэшсэн архитектор
Боловсрол: Монгол улсын Шинжлэх ухаан, технологийн их сургууль, Барилга архитектурын сургууль /Техникийн ухааны магистр/
Мэргэжлийн холбооны гишүүнчлэл : Монголын архитекторуудын эвлэл, Зураг төсөл зохиогчдын холбоо, Монголын барилгын инженерүүдийн холбоо
Шагнал: 

• “МОНГОЛЫН ХОТ БАЙГУУЛАЛТЫН ХӨГЖЛИЙН ТАНХИМ” “Усан луу жилийн шилдэг барилга” . 2013 он
• “МОНГОЛЫН ЗАЛУУЧУУДЫН ХОЛБОО”-ын “Тэргүүний залуу алтан медаль”. 2007 он
• “МОНГОЛЫН АРХИТЕКТОРУУДЫН ЭВЛЭЛ”-ийн “Шилдэг бүтээл” дипломын төсөл. 2005 он
• ОХУ-ын Эрхүү хотын “ПОЛИТЕХНИКИЙН ДЭЭД СУРГУУЛЬ”-ийн “Шинэ хотын төлөвлөлт” олон улсын уралдаан II-р байр. 2004 он

Архитектор Мягмарын Уянга 2001 онд МУБИС-ийн харьяа 10 жилийн 104 - р дунд сургууль, 2005 онд Монгол улсын Шинжлэх ухаан техникийн их сургуулийн Барилгын инженерийн сургуулийг Хот төлөвлөлтийн архитектор мэргэжлээр төгссөн. Техникийн ухааны магистр, Барилгын архитектур төлөвлөлтийн хүрээнд Мэргэшсэн архитектор зэрэгтэй. 2004 онд ОХУ - ын Эрхүү хотын Политехникийн дээд сургуульд хот төлөвлөлтийн чиглэлээр мэргэжил дээшлүүлсэн. Хот төлөвлөлт, барилгын зураг төслийн “ЭН ЭЙ ПИ ГРУПП”-ын үүсгэн байгуулагч бөгөөд 2007 оноос эхлэн захирал, ахлах архитектороор ажиллаж байна. Барилгын зураг төсөл зохиогчдын холбоонд 2008 онд гишүүнээр элссэн. БЗТЗХ-ны дэргэдэх Залуучуудын “БИ АЙ ДИ” клубын сонгуульт ажил болох 2013 оны дэд тэргүүн, 2014 оны тэргүүн, 2014 оноос эхлэн БЗТЗХ-ны Удирдах зөвлөлийн гишүүнээр томилогдон ажиллаж байна. 2004 оноос эхлэн бие даан болон хамтран 20-иод төсөл дээр ажилласан бөгөөд томоохон төслүүдээс дурдвал Орхон аймгийн төв Эрдэнэт хотын “VII-р хорооллын ерөнхий төлөвлөгөө”. 2007 он, Ховд аймгийн Булган сумын “Аялал жуулчлалын цогцолбор”-ын техник эдийн засгийн үндэслэл. 2010 он, Говь- Алтай аймгийн төв Алтай хотын хөгжлийн ерөнхий төлөвлөгөө. 2015 он, Шалган бүртгэх товчоод (нэг маяг 5 байршилд). 2011 он, БОНХАЖЯ-ны 640 хүүхдийн суудалтай “Ногоон сургууль”. 2016 он зэрэг төслүүд хэрэгжиж байна.

Албан тушаал : Зөвлөх, Монгол улсын гавьяат барилгачин
Мэргэжил: Архитектор
Боловсрол: Монгол улсын их сургууль, Барилга архитектурын факультет /Техникийн ухааны магистр/
Мэргэжлийн холбооны гишүүнчлэл : Монголын архитекторуудын эвлэл, Зураг төсөл зохиогчдын холбоо
Шагнал: - Зэвсэгт хүчний 60 жилийн ойн медаль. 1981 он
- Хөдөлмөрийн хүндэт медаль. 1991 он
- Тэргүүний барилгачин хүндэт тэмдэг. 2004 он
- Алтан гадас одон. 2006 он
- Ардын хувьсгалын 90 жилийн ойн медаль. 2011 он
- Монгол улсын гавяат барилгачин. 2014 он
Гомбын Мягмар 1978 онд Монгол улсын их сургуулийн барилга архитектурын факультетийг төгсөж Архитектор мэргэжил эзэмшсэн. Техникийн ухааны магистр зэрэгтэй, Монгол улсын зөвлөх архитектор. Тэр бээр барилга, барилгын зураг төслийн салбарт тасралтгүй 38 жил ажиллаж байна. Барилгын салбарт ажиллах хугацаандаа 1979 оноос Батлан хамгаалах яамны Цэргийн барилгын институтэд томилогдон архитектор, товчооны дарга, ерөнхий архитектор, институтын захирал, 1989-1998 онд Монголын архтекторуудын эвлэлийн ерөнхийлөгч, 1996-2002 онд Засгийн газрын хэрэгжүүлэгч агентлаг – Барилга, хот байгуулалт, нийтийн аж ахуйн газрын орлогч дарга, 2002-2006 онд НҮБ-ын Хөгжлийн хөтөлбөрийн “Дулааны хэмнэлттэй орон сууц” төслийн үндэсний менежер, 2006 – 2010 онд Барилга хот байгуулалтын яамны Барилга, орон сууц, нийтийн аж ахуйн бодлого зохицуулалтын газрын дарга, орлогч дарга, 2010 - 2016 онд Барилга хот байгуулалтын яамны “Хот байгуулалтын салбарын МОН-2301” төслийн удирдах албаны дарга, 2016 оноос Барилга, хот байгуулалтын сайдын зөвлөх, 2007 оноос одоог хүртэл Хот төлөвлөлт, барилгын зураг төслийн “ЭН ЭЙ ПИ ГРУПП”-ийн Зөвлөхөөр ажиллаж байна.
- Барилга хот байгуулалтын яамны шинжлэх ухаан технологийн зөвлөлийн гишүүн
- Барилгын салбарын стандартчиллын техникийн хорооны дарга
- Барилгын зураг төсөл зохиогчдын холбооны зөвлөх
- Монголын архитекторуудын эвлэлийн хүндэт ерөнхийлөгч
- Барилгын хөгжлийн үндэсний нэгдсэн төвийн удирдах зөвлөлийн дарга зэрэг ажлуудад томилогдон ажиллаж байна.
Ажиллах хугацаандаа нийт 40 гаруй зураг төслийг бие даан боловсруулж, “Салбарын стандартчиллыг боловсронгуй болгох үндсэн чиглэл”-ийг боловсруулан батлуулж ажилласнаар 40 гаруй стандартыг дахин хянаж, 50 гаруй стандартыг шинэчилсэн бичлэгийн хэлбэрт оруулж, 90 орчим стандартын хугацаа сунган мөрдүүлж стандартчиллын бодлогыг амжилттай хэрэгжүүлж байна. Барилгын салбарын үйл ажиллагаанд хууль, эрх зүйн таатай орчныг бүрдүүлэхэд анхаарч Барилгын тухай хуулийн шинэчилсэн найруулгын төсөл боловсруулах ажлын хэсгийг удирдан ажиллаж хуулийг 2008 оны 2 дугаар сард УИХ-аар батлууллаа.Үл хөдлөх эд хөрөнгө барьцаалах тухай, Засгийн газрын тусгай сангийн тухай хуульд нэмэлт өөрчлөлт оруулах тухай, Орон сууцны тухай хуульд нэмэлт өөрчлөлт оруулах тухай, Хот, суурины усан хангамж, Ариутгах татуургын ашиглалтын тухай хуулийн шинэчилсэн найруулгын төслийг боловсруулах ажлын хэсгийг удирдан ажиллаж Засгийн газарт оруулж УИХ-аар батлагдсан. Мөн Хөрөнгийн үнэлгээний тухай хууль, Хөрөнгөөр баталгаажсан үнэт цаасны тухай хууль, Концессын тухай хуулийг боловсруулах ажлын хэсэгт орж ажиллан уг хуулиуд 2010 онд, Барилгын тухай хуулийн шинэчилсэн найруулгын ажлын хэсгийн гишүүнээр ажиллаж 2016 онд УИХ-аар батлагдсан.

Албан тушаал : Халаалт, агаар сэлгэлтийн зөвлөх инженер
Мэргэжил: Мэргэжил: Халаалт, агаар сэлгэлт, хий хангамжийн инженер, МУ-ын Зөвлөх инженер
Боловсрол: ОХУ- Уралийн Политехникийн Дээд Сургууль /Техникийн ухааны магистр/
Мэргэжлийн холбооны гишүүнчлэл :
Шагнал: 

• МНАА-н тэргүүний ажилтан. 2004 он
• Дэд бүтцийн яамны жуух. 2002 он
  

Б. Болормаа нь Хот төлөвлөлт, барилгын зураг төслийн “ЭН ЭЙ ПИ” ХХК-д 2010 оноос эхлэн одоог хүртэл Халаалт, агаар сэлгэлтийн зөвлөх инженерээр ажиллаж байгаа бөгөөд барилга байгууламжийн зураг төслийн тооцоо, техникийн шийдлийг боловсруулан зураг төслийг хянан зөвлөхөөр ажиллаж байна. Мэргэжлийн чиглэлээр “Барилгын дулаан хамгаалалт” БНбД 23- 02-09, “Барилгын дулаан хамгаалалтын дүрэм” БД 23-103-10, “Бие даасан дулааны эх үүсвэрийн төлөвлөлт” БД 23-104-11 зэрэг норм дүрмийг боловсруулахад удирдан ба хамтран оролцсон. Мөн БЭХХ МОН/09/301/ төсөлтэй хамтран “Кондиционерийн систем ба хөргөлтийн ачаалал” гарын авлагыг боловсруулж хэвлүүлсэн. Түүний боловсруулсан зураг төслийн ажлуудаас дурдвал Изнисийн онгоцны ангар, Миний дэлгүүр, Сандей оффис үйлчилгээ, Налайхын “Сайн Номун хийд”, “ААВВ” компанийн орон сууц, Их хуралдай зочид буудал, зэрэг 30 гаруй барилгын халаалт, агаар сэлгэлтийн системийн зураг төслийг гүйцэтгэсэн ба мөн тооны зураг төслийг шалгаж, инженерээр ажилласан.

Албан тушаал : Барилга бүтээцийн зөвлөх инженер
Мэргэжил: Иргэний ба үйлдвэрийн барилгын инженер, МУ-ын Зөвлөх инженер
Боловсрол: ОХУ-ын Эрхүү хотын Политехникийн дээд сургууль /Техникийн ухааны магистр/
Мэргэжлийн холбооны гишүүнчлэл : Монголын архитекторуудын эвлэл, Зураг төсөл зохиогчдын холбоо, Монголын барилгын инженерүүдийн холбоо
Шагнал: 

• “МОНГОЛЫН АРХИТЕКТОРУУДЫН ЭВЛЭЛ”-ийн “Нэрэмжит шагнал”. 1999 он.
• “Тэргүүний барилгачин”. 2002 он
• “Алтангадас одон”. 2014 он

Мажигийн Амаржаргал 1983 онд ОХУ-ын Эрхүү хотын Политехникийн дээд сургуулийг Иргэний ба үйлдвэрийн барилгын мэргэжлээр төгссөн. Техникийн ухааны магистр зэрэгтэй, Монгол улсын зөвлөх инженер. Барилгын салбарт ажиллах хугацаандаа 2003 онд барилгын зураг төслийн “МАРСКОНСТРАКШН” ХХК-ийг үүсгэн байгуулж одоог хүртэл захирал, зөвлөх инженерээр ажиллаж байгаа төдийгүй Хот төлөвлөлт, барилгын зураг төслийн “ЭН ЭЙ ПИ” ХХК-д 2010 оноос эхлэн барилга бүтээцийн зөвлөх инженерээр ажиллаж барилга байгууламжийн тооцоо, техникийн шийдлийг боловсруулах, зураг төслийг хянан зөвлөх ажлыг хийж гүйцэтгэж байна. Ийнхүү ажиллах хугацаандаа нийт 500 гаруй зураг төслийн тооцоо, техникийн шийдлийг бие даан боловсруулж, Салбарын стандартчиллыг боловсронгуй болгох үндсэн чиглэл “Цутгамал төмөр бетон араг бүтээцийн хийц хэсэглэлийн альбом”, Монгол улсын зөвлөх инженер Ц. Шараагийн хамтаар зураг төслийн салбарт ПК STARK ES тооцооны программыг нэвтрүүлэх ажлыг хариуцаж байна. Түүний бие даан боловсруулж буй ажлууд буюу Jobi барилгын материалын дэлгүүр, Авто плаза үйлчилгээний төв, “ЭКО КОНСТРАКШН” ХХК-ийн 24 давхар оффисын барилга, Зохиомж дээд сургуулийн барилга, СБД, Өмнөговь аймгийн Кокс химийн үйлдвэр, БСШУЯ-ны Сансар судлалын музей планетариумын барилга, “MCS” ХХК-ийн Спорт заал, усан бассейн, “Мобиком” ХХК-ийн 15-35 метр металл цамхагууд, “Жи Мобайл”-ын 45 метр цамхаг, “Кёкүшюзан хөгжил сан”-гийн 16 давхар орон сууц, “Москва хороолол”-ын 2-р ээлж, “Эко констракшн” ХХК-ийн “Маршал хотхон”, “Индустр”ХХК-ийн “Соёмбот Өргөө” 30 давхар үйлчилгээтэй орон сууц, БОНХАЖЯ- ны 640 хүүхдийн суудалтай “Ногоон сургууль”. 2016 он, “МОНГОЛИА ПРОПЕРТИ ДЕВЕЛОПМЕНТ” ХХК-ийн “Олон улсын санхүүгийн төв”, “Монголын Архитекторуудын эвлэл”, “Улаанбаатар хэвлэх” ХХК-ийн 25 давхар Конторын барилга зэрэг зураг төслийн ажлыг хийж гүйцэтгээд байна.

Албан тушаал : Ус хангамж, ариутгах татуургын инженер
Мэргэжил: Сантехникийн инженерийн байгууламж, МУ-ын Мэргэшсэн инженер
Боловсрол: Монгол улсын шинжлэх ухаан, технологийн их сургууль, Барилга, архитектурын сургууль
Мэргэжлийн холбооны гишүүнчлэл : Барилгын зураг төсөл зохиогчдын холбоо, Монголын барилгын инженерүүдийн холбоо
Шагнал:

• “ЭН ЭЙ ПИ ГРУПП” ХХК-ийн “Шилдэг залуу инженер” 2012 он.
• “МОНГОЛЫН ЗАЛУУЧУУДЫН ХОЛБОО”-ны “Хөдөлмөрийн алдар” 2013 он.
• Монголын барилгын салбар үүсч хөгжсөний 90 жилийн ойн тэмдэг 2017 он.
• “ЭН ЭЙ ПИ ГРУПП” ХХК-ийн “Талархал” 2018 он.

Ганболд овогтой Нандинцэцэг нь 2012 онд ШУТИС-ийн БАС-ийг Сантехникийн инженерийн байгууламж мэргэжлээр төгссөн. “ЭН ЭЙ ПИ ГРУПП” ХХК-д 2012 оноос эхлэн ажиллах хугацаанд 30 гаруй барилга байгууламжийн ус хангамж, ариутгах татуургын төлөвлөлт, шийдэл, тооцоо, ажлын зураг төслийг амжилттай боловсруулаад байна. Тухайлбал: БСШУЯ-ны “640 хүүхдийн суудалтай сургуулийн барилгын нэг маягийн загвар зураг”, “ТЭГӨНЬ ЖУНГХАБ КЭБАЛЬ ХХК-ийн Үйлчилгээтэй, 196 айлын орон сууц”, “АЛТАН ТРЕЙД”ХХК-ийн “Үйлчилгээтэй, 153 айлын орон сууц”, “АЛТАН ЖОЛОО ГРУПП”ХХК-ийн “Худалдаа үйлчилгээний төв”, БОНХАЖЯ-ны 640 хүүхдийн суудалтай “Ногоон сургууль”, “МОНГОЛИЯ ПРОПЕРТИ ДЕВЕЛОПМЕНТ” ХХК-ийн “Олон улсын санхүүгийн төв”, МУИС-ийн Е-номын сан болон хичээлийн 4-р байрны өргөтгөл, Говь-Алтай аймгийн төв Алтай хотын хөгжлийн ерөнхий төлөвлөгөө, Дундговь аймгийн төв Мандалговь хотын хөгжлийн ерөнхий төлөвлөгөө, Тэрэлж тосгоны хэсэгчилсэн ерөнхий төлөвлөгөө зэрэг томоохон ажлуудыг мэргэжлийн багтай хамтран боловсруулсан.

Албан тушаал : Хуульч, захирлын туслах
Мэргэжил: Хуульч
Боловсрол: Шихихутуг хууль зүйн дээд сургууль
Мэргэжлийн холбооны гишүүнчлэл : 

Албан тушаал : Архитектор
Мэргэжил: Архитектор
Боловсрол: Монгол улсын шинжлэх ухаан, технологийн их сургууль, Барилга, архитектурын сургууль /Бакалавр зэрэгтэй/
Мэргэжлийн холбооны гишүүнчлэл : Барилгын зураг төсөл зохиогчдын холбоо
Шагнал: 

• “МОНГОЛЫН АРХИТЕКТОРУУДЫН ЭВЛЭЛ”-ийн “Шилдэг бүтээл” дипломын төсөл. 2013 он
• “МОНГОЛЫН ЗАЛУУЧУУДЫН ХОЛБОО”-ны “Тэргүүний залуу алтан медаль”. 2015 он

Гантулга овогтой Ганбат нь 2013 онд ШУТИС-ийн БАС-ийг Архитектор мэргэжлээр төгсөж, “Загасчлал, аялал жуулчлалын цогцолбор” сэдэвтэй дипломын ажил хамгаалсан нь МАЭ-ийн нэрэмжит шилдэг бүтээлээр шалгарч байсан. “ЭН ЭЙ ПИ” ХХК-д 2013 оноос эхлэн ажиллах хугацаандаа 10-аад барилга байгууламжийн төлөвлөлт, шийдэл, эх загвар зураг болон ажлын зураг төсөл боловсруулах багийн гишүүнээр болон ахлагчаар амжилттай ажилласан. Тухайлбал, БШУЯ-ны 640 хүүхдийн суудалтай сургуулийн барилгын нэг маягийн загвар зураг, 'БОЛОР МЭЛМИЙ' ХХК, 'МАКС КОНСТРАКШН' ХХК-ийн Үйлчилгээтэй, 136 айлын өндөр зэрэглэлийн орон сууц, “ТЭГӨНЬ ЖУНГХАБ КЭБАЛЬ” ХХК-ийн Үйлчилгээтэй, 196 айлын орон сууц, “ЕСҮЙ ТРЕЙД” ХХК-ийн 'Moon stone' Үйлчилгээтэй орон сууц, “МУИС”-ийн Е-номын сан болон хичээлийн 4-р байрны өргөтгөлийн барилга, “ХЭРЛЭН БУЯН” ХХК-ийн Үйлчилгээтэй, 1024 айлын орон сууц, 'АЛТАН ТРЕЙД' ХХК-ийн Үйлчилгээтэй, 153 айлын орон сууц, БОНХАЖЯ-ны 640 хүүхдийн суудалтай 'Ногоон сургууль' зэрэг томоохон ажлуудыг хамтран боловсруулаад байна.

Албан тушаал : Гадаад харилцааны менежер
Мэргэжил: Нано инженер
Боловсрол: Шинэ Монгол Технологийн Дээд Сургууль
Мэргэжлийн холбооны гишүүнчлэл :

Албан тушаал : Барилга бүтээцийн инженео
Мэргэжил: Иргэний ба үйлдвэрийн барилгын инженер
Боловсрол: Монгол улсын шинжлэх ухаан, технологийн их сургууль, Барилга архитектурын сургууль
Мэргэжлийн холбооны гишүүнчлэл : Барилгын зураг төсөл зохиогчдын холбоо, Монголын барилгын инженерүүдийн холбоо
Шагнал:  МЗХ-ны Тэргүүний залуу инженер. 2017 он

Шараа овогтой Ариунболд нь 2013 онд Иргэний ба үйлдвэрийн барилгын инженер мэргэжлээр төгссөн. “ЭН ЭЙ ПИ ГРУПП” ХХК-д 2013 оноос эхлэн ажиллах хугацаандаа 20 гаруй барилга байгууламжийн тооцоо, техникийн шийдэл, ажлын зураг төсөл боловсруулах багийн гишүүнээр ажилласан. Тухайлбал “ӨНДӨР БУЯНТ ХОЛДИНГ” ХХК-ийн газар доорх авто зогсоол, “640 хүүхдийн суудалтай нэг маягийн загвар зураг”, “МУИС-ийн Е-номын сан, хичээлийн IV байрны өргөтгөл”, "МОНГОЛИА ПРОПЕРТИ ДЕВЕЛОПМЕНТ" ХХК-ийн Олон улсын санхүүгийн төв, “АЛТАН ЖОЛОО” группийн “Худалдаа, үйлчилгээний төв”, “АЧИТ МЭРГЭД” ХХК-ийн Үйлчилгээтэй, 121 айлын орон сууц зэрэг зураг төслийн ажлуудыг мэргэжлийн багтай хамтран боловсруулаад байна.

Албан тушаал : Архитектор
Мэргэжил: Архитектор
Боловсрол: Монгол улсын шинжлэх ухаан, технологийн их сургууль, Барилга, архитектурын сургууль
Мэргэжлийн холбооны гишүүнчлэл : Барилгын зураг төсөл зохиогчдын холбоо
Шагнал:
Оюунбаяр овогтой Цэнгүүн нь 2013 онд ШУТИС-ийн БАС-ийг Архитектор мэргэжлээр төгссөн. “ЭН ЭЙ ПИ” ХХК-д 2013 оноос эхлэн ажиллах хугацаандаа 10-аад барилга байгууламжийн төлөвлөлт, шийдэл, ажлын зураг төсөл боловсруулах багийн гишүүнээр амжилттай ажилласан. Түүний ажилласан төслүүдээс дурдвал БШУЯ-ны “640 хүүхдийн суудалтай сургуулийн барилгын нэг маягийн загвар зураг”, “ТЭГӨНЬ ЖУНГХАБ КЭБАЛЬ” ХХК-ийн “Үйлчилгээтэй, 196 айлын орон сууц”, “ХЭРЛЭН БУЯН” ХХК-ийн “Үйлчилгээтэй, 1024 айлын орон сууц”, 'АЛТАН ТРЕЙД' ХХК-ийн Үйлчилгээтэй, 153 айлын орон сууц, ”АЛТАНЖОЛОО ГРУПП” ХХК-ийн “Худалдаа үйлчилгээний төв”, БОНХАЖЯ-ны 640 хүүхдийн суудалтай 'Ногоон сургууль', “МОНГОЛИЯ ПРОПЕРТИ ДЕВЕЛОПМЕНТ” ХХК-ийн “Олон улсын санхүүгийн төв” зэрэг томоохон ажлуудыг хамтран боловсруулаад байна. Мөн тэр бээр ”ЭН ЭЙ ПИ” ХХК-ийн архитектор, инженер техникийн албаны ажилтнуудад BIM Revit программыг нэвтрүүлэх, дадлагашуулах болон Unreal engine 4 architecture программыг хөгжүүлэх ажлуудыг хариуцан ажиллаж байна.